KAGAT ang pang-ilalim na labi ay muli siyang napangiti nang malapad habang nakatitig sa puting kisame. May halos kalahating oras na simula nang ihatid siya ni Uran sa Penthouse. Kanina pa rin siya nakahiga sa kama pero ang ngiti sa mga labi niya ay hindi na nawala. Muling umangat ang isang kamay niya at masuyong hinaplos ang kaniyang mga labi.
“He kissed me again!” sambit niya na kinikilig pa.
Muling sumagi sa isipan niya ang mga nangyari kanina habang magkasama sila ni Uran sa loob ng cottage house.
Dahil sa labis na pagkabigla niya sa ginawang pag-angkin ni Uran sa kaniyang mga labi ay hindi agad siya nakagalaw sa kaniyang puwesto. Parang pakiramdam niya biglang nanghina ang buong katawan niya. Umangat sa tapat ng dibdib ni Uran ang mga palad niya, pero wala siyang lakas upang itul
