“KALOKA ka bakla, kanina pa kita hinahanap. Saan ka ba nagpunta?” tanong ni Paulo habang nagmamadali itong lumapit kay Sirak.
Tipid siyang ngumiti sa kaniyang kaibigan. “I’m sorry bes, um, nagkaroon lang ng emergency.” Pagdadahilan niya pa rin dito.
“Ano’ng emergency?” magkasalubong ang mga kilay na tanong nitong muli at ipinulupot ang kamay sa braso niya.
“Basta!” saad niya. Ayaw na muna niyang sabihin dito ang mga nangyari kanina sa kanila ni Uran. Panigurado kasi siyang hindi agad matatapos ang pag-uusap nilang iyon. Kilalang-kilala niya ang ugali nitong kaibigan niya. Hindi ito nakukuntento sa isang tanong, isang sagot. Dapat buong detalye ay ibagsak agad niya. “Nasaan pala si Ms. Katya?” pag-iiba niya ng tanong dito at kaagad na iginala ang paningin sa buong paligid. Marami pa rin
