NAKANGITING nagpakawala nang malalim na buntong-hininga si Sirak habang nakatayo siya sa balkunahe ng Penthouse. Nakatanaw siya sa malawak na karatagan. Tinatanaw rin niya ang mga taong naglalangoy sa dagat, ang mga taong nasa dalampasigan. Ang iba ay nakahiga sa buhanginan habang nagbababad sa araw. May mga couple na nakaupo sa buhangin habang naglalambingan. Mayroon pang naglalagay ng lotion sa likod ng girlfriend nila. Kahit medyo patirik na ang araw, hindi iyon alintana para sa mga taong naroon at enjoy na enjoy ang magandang view ng beach, ang puti at pinong buhangin at lalo na ang malinaw at malinis na dagat.
Kanina pa siya excited na maligo ng dagat sa totoo lang... pero hindi naman siya makapunta roon dahil wala siyang kasama. Kanina kasi nang pumanhik sila ni Uran sa Penthouse na
