◄Nato's POV►
Kanina pa ako hindi kinakausap ni Diana. Ginawa ko na nga rin 'yung buko na pinakuha niya kay tatang pero hindi pa rin niya ako kinakausap. Kumain naman siya pagkatapos niyang maligo pero simula nuon ay hindi na niya ako kinakausap pa.
May libag naman talaga siya. Masama naman ang mag sinungaling kaya sinabi ko ang totoo. Bakit nagagalit siya sa akin ngayon at hindi niya ako kinakausap? Kahit naman may libag siya sa leeg para sa akin naman ay siya pa rin ang pinaka maganda at pinaka mabangong babae sa buong mundo.
Nagpunta ako sa labas upang kausapin ko siya. Hindi ko siya mahanap kaya nagtanong ako sa mga tauhan na nasa labas at may mga ginagawa.
"Naku sir nagpunta po duon sa taniman ng mga gulay. Gusto raw po niyang makita kung paano mag-harvest ng mga patatas at carrots
