┈┈┈┈◦•✩•◦┈┈┈┈
Katulad nga ng kalkulasyon ng mga manggagawa ay natapos ang pitong silid sa loob lamang ng limang oras at kalahati. Sa tulong na rin ng mga tauhan ng hacienda ay nagawa nilang ibalik sa dati ang hitsura ng bawat silid.
Tuwang-tuwa naman sila na lumalabas ng malaking bahay na may hawak na bote ng beer.
"Grabe ang galing! Iba talaga kapag pera na ang pina iral, saglit lang masolusyunan ang problema. Parang walang nangyari sa pitong silid," wika ni Julian na hindi makapaniwala sa bilis ng mga pangyayari.
Nakaalis na rin ang mga manggagawa, maging ang kalat sa labas ay nalinis na rin at wala man lamang naiwang ebidensya na may mga inayos na sirang gamit sa hacienda.
"Sigurado ako na pag dating dito ng kapatid ko ay hindi tayo papansinin. Siguradong unang pupuntahan niya ay a
