◄Nato's POV►
Mahigit dalawang linggo na kami dito sa Batangas. Naging maayos naman ang relasyon namin ni Diana, 'yun nga lang ay para pa rin kaming aso't pusa na laging nagbabangayan. Well, siya lang naman ang laging galit sa akin. Kapag galit siya o naiinis daw sa ugali ko ay lumalabas na lang ako at hinihintay kong humupa ang galit niya. Ayokong salubungin ang galit niya at baka mas lumala pa ang sitwasyon naming dalawa.
Nandito ako ngayon sa taniman ng mga prutas, pinapanuod ko kung paano nila hina-harvest ang napakaraming tanim na saging ni Isaac dito. Mukhang laging hitik sa bunga ang mga taniman ng prutas sa bahaging ito patunay na hindi ito napapabayaan ng katiwala ni Isaac.
"Pwede ho ba akong humingi ng hinog na saging, ibibigay ko lang sa mahal ko. Avocado din ho sana at hinog
