┈┈┈┈◦•✩•◦┈┈┈┈
Pagkatapos nilang kumain ay binigyan pa sila ng dalawang oras na pahinga upang maiwasan ang sobrang init ng araw. Nagtungo sila sa may matatayog na niyog at pinagmasdan nila kung gaano kataas ang mga ito.
"Yan ba ang aakyatin natin? Madali lang 'yan," ani ni Nato kaya napatingin sila dito at sabay-sabay na nagtaasan ang mga kilay nila.
Nagsindi lang ng sigarilyo si Nato at pinagmasdan ang nagtatayugang mga puno ng buko. Tinabihan ni Marcus at Sammy si Nato sabay kuha ni Marcus ng hawak na sigarilyo ni Nato at hinitit ito. Nakatitig lamang sila sa matataas na buko ng niyog sabay hugot ng malalim na paghinga.
"Maiihi yata ako kapag nasa ituktok na ako ng buko na 'yan," ani ni Marcus kaya natawa ang dalawa sa tinuran ni Marcus.
"Mahusay umakyat ng buko si Rouge at si Dazzl
