◄Nato's POV►
Kaaalis lang ni Diana pabalik ng America. Kung ako lang talaga ang masusunod ay hindi ko siya hahayaang umalis pero matigas ang ulo niya at ang gusto pa rin niya ang nasunod.
Wala man kaming tahasang relasyon ay alam ko naman na ako pa rin ang mahal niya. Ako pa rin ang pinipili niya pero gusto niyang matapos muna ang relasyon nila ni Arquiz dahil ayaw niyang lokohin ang lalaking 'yon.
Sa totoo lang ay hindi ko gusto si Arquiz. Unang kita pa lamang namin sa kanya ay ma-angas na talaga ang dating niya. Parang may ipinagmamalaki samantalang wala naman siyang binatbat pagdating sa akin.
"Anong iniisip mo diyan? Huwag mong sabihin na balak mong sundan si Diana sa America? Tandaan mo, nakiusap siya sa iyo na hayaan mo siyang ayusin ang sarili niyang problema kaya huwag mo siya
