"Amanda, halika nga sandali," tawag sa akin ni Inay matapos niyang ilapag ang kape sa lamesita na para kay Damian.
Sumunod ako kay Inay sa kusina at iniwan na muna dalawang nagpapasakit ngayon ng ulo ko.
Si Rex ay inutusan kong siya muna ang humarap sa kanila at baka mamaya pag sila lang ang naiwan sa salas ay biglang magpanuntok.
"Umamin ka nga sa akin, Amanda. Manliligaw mo ba ang dalawang iyon?" kompronta sa akin ni Inay nang nasa kusina na kami.
"Si Mr. Demir boss ko lang, hindi ko siya manliligaw. Pero si Sir Damian... gusto niyang umakyat ng ligaw at humingi ng pahintulot sa inyo kung maaari ba," tapat kong sagot.
Humalukipkip siya at humugot ng malalim na paghinga saka nagsalita. "Sige, payag naman ako."
Nabigla ako kasabay ng pag-awang ng bibig ko. "P-Payag kayo?" 'Di ko maka
