العاصي (الجزء الثاني)

الفصل الثاني

من ناحيه تانيه عند الحصان الاسود .... وصل الفيلا هو والمحامى وكان الرجاله رابطين القناص فى كرسى

الحصان الاسود : ايه اللى عملتوه ده يا بهايم

واحد من الرجاله : ايه فى يا فندم

الحصان الاسود : ليه مكتفينه كده

الراجل : طب نعمل ايه يا فندم

الحصان الاسود : فكوه وسيبونا لوحدنا

المحامى : بس يا فندم كده خطر

الحصان الاسود : كلامى يتنفذ من غير نقاش فكوه وسيبونا وحدنا

وبالفعل فكوه وخرجوا وسابوهم

الحصان الاسود : متزعلش من اللى عملوه البهايم دول

القناص : ممكن تفهمنى انت مين وعاوز ايه

الحصان الاسود : لازم نتفق على حاجه من الاول ..... انا هنا بس اللى بسأل وانت تجاوب غير كده ممكن ادفنك صاحى .... فاهم ولا مش فاهم

القناص : فاهم

الحصان الاسود : كده انت صح .... قولى بقى انت ليه قتلت سيف ومين اللى طلب منك

القناص : دى اسرار شغل وانا مقدرش اطلع سر من اسرار عملائى دول ممكن يقتلونى

الحصان الاسود : بص انت كده ميت وكده ميت .... بس الموته الأكيده هتبقى على ايدى لو مقولتليش كل اللى انا عاوزه

القناص : انا عارف انك ممكن تقتلنى بس انا ليا شرط علشان اقولك مين اللى بعتنى اقتل سيف

الحصان الاسود : انت برضه مفهمتنيش .... انا لسه ماتخلقش اللى يتشرط عليا

القناص : اعتبره طلب

الحصان الاسود : لو طلب ممكن نتفاهم .... خير عاوز ايه

القناص : 10 مليون دولار

الحصان الاسود : وانا موافق وقبل ما تخرج من هنا هيكونوا معاك .... ها بقى مين اللى طلب منك تقتل سيف

القناص : انا معرفش هو مين بالظبط لانه مقالش اسمه

الحصان الاسود : امال هعرفه ازاى

القناص : انا مصور الاجتماع اللى بينى وبينه فيديو

الحصان الاسود : وفين الفيديو ده بالظبط

القناص : اخد فلوسى تاخد الفيديو

الحصان الاسود : قولتلك انا مابحبش اللى يتشرط عليا .... وفلوسك اعتبرها موجوده

القناص : بس انا ايه يضمنلى انك ماتغدرش بيا

الحصان الاسود : مفيش ضمانات وبعدين انا لو عاوز اخلص عليك محدش هيمنعنى خلينا نخلص الموضوع بهدوء كده علشان ماتشوفش الوش التانى

القناص : الفيديو معايا على الموبايل بتاعى

الحصان الاسود : وفين الموبايل بتاعك

القناص : مع رجالتك ... اخدوه منى اول ما خ*فوني

بعدها الحصان الاسود نده على الرجاله واخد الموبايل وشاف الفيديو وعرف كل حاجه

الحصان الاسود : انت كده تمام

القناص : فين فلوسى

الحصان الاسود : دلوقتى اقدر اديلك حسابك .... وخرج الحصان الاسود مسدسه وفرغه فى دماغ القناص وبعد كده امر الرجاله يخلصوا من الجثه

تانى يوم باسم لبس بدله شيك وطلب اوبر وطلع اكتوبر علشان ال presentation بتاعه والواد بصراحه تحس انه باشا فى نفسه .... وصل الجامعه قبل المعاد بساعتين ودخل الكافتريا قعد هناك شويه وطبعا هو علشان وصل بدرى مكانش فى حد موجود من اللى يعرفهم ... كل الموجودين طلبة الجامعه بس ... قعد مع نفسه تقريبا ساعه ماسك الموبايل بيراجع الكلام اللى هيقوله جوه .... وهو قاعد حس ان الجو حر شويه قلع الجاكت .... وهو قاعد واحد صاحبه وصل الجامعه وبيكلمه فى التليفون علشان مش شايفه فى الكافتريا بس باسم شافه ولسه هيوقف علشان يشاورله واحده كانت ماشيه قريب منه ومعاها كوباية نسكافيه فى ايدها خبطت فى باسم وبوظتله القميص ومازن صاحب باسم وصل وشاف اللى حصل وكام واحد اتلم عليهم

باسم : الله يخرب بيتك .... ايه اللى انتى عملتيه ده

البنت : انا اسفه والله يا بشمهندس مكانش قصدى

باسم : واسفه دى انا هعمل ايه بيها دلوقتى

البنت : انا عارفه انى غلطانه بس حضرتك قومت فجأه

باسم : طب هعمل أيه دلوقتى انا فى مصيبه

مازن : لسه فى وقت تعالى نخرج اى محل بره نشترى قميص جديد بسرعه

باسم : يلا بينا بسرعه

البنت : انا ممكن ادفعلك تمن القميص

باسم : ياريت تخرسى خالص مش عاوز اسمع صوتك ومتقوليش كلام يعصب .... يلا يا مازن بسرعه

البنت : احترم نفسك يا استاذ وراعى انك بتكلم بنت

باسم : انا اللى مانعنى منك انك بنت

مازن : خلاص يا باسم متزودهاش .... احنا اسفين يا بشمهندسه بس احنا معانا presentation مهم .... يلا بينا يا باسم علشان منتاخرش اكتر من كده

باسم : يلا بينا

وخرج باسم ومازن وراحوا اقرب محل واشتروا قميص جديد ورجعوا الجامعه تانى وخلصوا اليوم ورجعوا تانى المقطم ..... بالليل كنت قاعد مع باسم

انا : عملت ايه ياسطا فى اكتوبر النهارده

باسم : ياعم متفكرنيش

انا : اوعى تكون عكيت فى ال presentation

باسم : لا ياعم العك كان قبل كده

انا : ازاى يعنى مش فاهم

باسم : هحكيلك اللى حصل ( حكى باسم كل اللى حصل )

انا : يخرب بيتك حد يعمل كده

باسم : اهو اللى حصل ياعم انا كنت متعصب وخايف اتاخر ومكنتش شايف قدامى

انا : ولو .... برضه مهما كان دى بنت وميصحش تعمل كده

باسم : انا ندمت بعد كده .... ولما رجعت علشان اعتذرلها دورت عليها فى كل الجامعه وملقيتهاش

انا : طب معرفتش اسمها .... علشان نروحلها تانى الجامعه ونحاول نصلح الموقف

باسم : لا معرفتش اسمها خالص وسالت اكتر من واحد هناك ومحدش يعرفها

انا : خلاص انساها وهى اكيد هتنساك

باسم : بصراحه مش عارف انساها خالص

انا : ليه يعنى

باسم : بصراحه البنت حاجه كده ماشوفتهاش قبل كده

انا : ازاى يعنى

باسم : البنت زى القمر ... حاجه كده تشوفها تقول انك عمرك ماشوفت بنات قبل كده

انا : طب واحده زى كده ينفع تتعصب عليها بالشكل ده

باسم : معرفش بقى .... ده اللى حصل ... وبعدين يعنى هى سكتت

انا : ليه ... هى عملت ايه

باسم : بص هى حاجه كده صغيره وملامحها طفوليه لكن عليها ل**ن 3 متر قدامها

انا : ههههههههه يخرب بيتك يا اخى

باسم : ياعم دى ادتنى شوية كلام فى عضمى بس ايه مقولكش

انا : شكلها كده عصبيه زى حالاتك

باسم : يمكن تكون اكتر منى ..... بس على العموم مسيرى هشوفها تانى

انا : هتشوفها تانى ازاى

باسم : كده ولا كده انا هروح اكتوبر كتير علشان هنزل تدريب فى مكتب الدكتور شريف زى ما قولتلك وهناك هحاول ادور عليها واسال فى الجامعه تانى

انا : ماشى ياسيدى ... يارب تلاقيها

بعد كده سيبت باسم ودخلت اذاكر .... واخدنا يومين معيشين جوبا فى الرعب وهو قفل تليفونه ومانزلش الجامعه

فى يوم كنت قاعد فى الكافتريا مع الشله بنرغى ودخلت عليا رنا

رنا : لوسمحت يابشمهندس دياب عاوزاك فى موضوع

انا : خير فى ايه

رنا : لو سمحت على انفراد

يمنى : فى ايه يا دياب

انا : معرفش ... بس عن اذنكم خمسه يا شباب وهرجعلكم تانى

واخدت رنا وقعدنا على طرابيزه تانيه

انا : خير يا بشمهندسه فى ايه

رنا : انت تعرف جمال

انا : جمال مين

رنا : جمال جوبا

انا : ايوه ده صاحبى وساكن معايا

رنا : هو فين بقالى يومين مش شايفاه فى الجامعه

انا : قاعد فى الشقه

رنا : ليه مانزلش الجامعه

انا : لا عادى .... انتى بتسالى ليه

رنا : لا عادى كنت عاوزاه فى حاجه مهمه

انا : هو حابس نفسه فى الشقه علشان خايف منك

رنا : خايف منى ليه

انا : بسبب اللى عمله معاكى .... اصل انا وباسم لعبنا فى دماغه وقولناله انك عملتى محضر عند العميد .... وهو خايف من وقتها وحابس نفسه

رنا : ليه كده

انا : علشان بس اعلمه الادب

رنا : بس هو معملش حاجه غلط

انا : انا عارف انه معملش حاجه غلط بس حابب العب فى دماغه شويه

رنا : حرام عليك

انا : بصى يا رنا ... جمال يبقى صاحبى وحبيبى واخويا ... انا عارف ومتاكد انه بيحبك وعارف برضه انك اول حب فى حياته .... جمال خام وملهوش خبره فى الدنيا

رنا : هو ده اللى انا كنت عاوزه اعرفه

انا : ايه هو ده اللى انتى عاوزه تعرفيه

رنا : انا كنت متاكده ان جمال ملهوش تجارب قبل كده ومنطوى حتى اصحاب ملهوش علشان كده بالعافيه عرفت اوصله

انا : انتى عاوزه ايه دلوقتى

رنا : انا بحب جمال ... ومش بسبب الموضوع اللى عمله ... لا انا بحبه من السنه اللى فاتت وعارفه عنه كل حاجه وحتى لما خليت حد يسال عليه انا كنت عارفه كل الكلام اللى وصلنى من قبل حتى ما اسال عنه

انا : وليه ده كله

رنا : علشان مايبانش ان انا مدلوقه عليه

انا : طب افرضى كان حب واحده غيرك كنتى هتعملى ايه وقتها

رنا : ولا حاجه ... كنت هقول مش نصيبى

انا : انتى غريبه

رنا : لا مش غريبه ولا حاجه بس الحياه هنا مختلفه عن امريكا ... هنا فى فرق كبير مابين الراجل والست

انا : انا عارف الكلام ده كويس ... بس على الاقل حاولى من بعيد لبعيد انك تلفتى انتباهه مش لازم تروحى تقوليله بحبك فى وشه كده

رنا : اللى حصل بقى

انا : يلا مش مشكله .... اه صحيح انتى عارفه كمان موضوع امريكا

رنا : ايوه عارفه ... وبصراحه دى اكتر حاجه كانت قلقانى فى علاقتك بيه

انا : ليه يعنى هى امريكا حاجه وحشه

رنا : مش فكرة حلوه ولا وحشه .... بس اللى اعرفه انك عشت معظم حياتك هناك واكيد اتطبعت بطبعهم وافكارك بقيت زيهم ويعنى كده انت فاهمنى

انا : ايوه فهمتك .... على فكره بالرغم من انى عشت معظم حياتى فى امريكا ومعايا ج*سيتها ومقرر انى اكمل حياتى هناك بس ده كله مانسانيش انى فى الاول مصرى وابويا الله يرحمه تعب معايا جدا علشان يخلينى دايما فاكر انى مصرى وليا عادات وتقاليد مختلفه

رنا : انا اسفه لو دايقتك بكلامى

انا : لا مفيش مشكله انا ماتدايقتش

رنا : المهم هنعمل ايه فى موضوع جوبا

انا : سيبى الموضوع ده عليا وانا هظبطه

رنا : اللى تشوفه

انا : هاتى رقم تليفونك علشان نظبط الموضوع

رنا : اوك انا هرن عليك

انا : انتى عارفه رقم تليفونى

رنا : اكيد طبعا

وسبت رنا ورجعت للشله

يمنى : مين دى وعاوزه منك ايه

انا : دى رنا اللى كانت معانا فى اعدادى

يمنى : ايوه عارفاها بس هى عاوزه منك ايه

يمنى : فى موضوع كده هحكيهولك بعدين

باسم : اوعى يكون اللى فى بالى

انا : ايوه اللى فى بالك

يمنى : انتوا مخبيين عنى ابه بالظبط .... اوعى تكون يا دياب بتخونى ده انا اولع فيك

انا : يعنى لو بخونك هى هتيجى تاخدنى تكلمنى فى موضوع قدامك

يمنى : طب قولى الموضوع اللى كانت عاوزاك فيه

انا : لا ده سر اعذرينى مش هقدر اقوله

يمنى : سر عليا برضه

انا : اصل الموضوع ده ما يخصنيش علشان احكيهولك

يمنى : امال يخص مين

انا : خلاص يا يمنى ... قولتلك الموضوع لايخصنى ولا ليا علاقه بيه وده سر ما ينفعش اقولهولك

يمنى : كده .... انت حر

باسم : خلاص يا دياب وانتى يا يمنى اهدى شويه .... الموضوع فعلا ما يخصش دياب وانا متاكد من كده وبرضه ما ينفعش تعرفيه لانه برضه سر .... ترضى حد يعرف سر من اسرارك انتى ودياب

يمنى : لا طبعا

باسم : خلاص يبقى مفيش مشكله

وخلصنا قعدتنا وهديت يمنى وبعد كده مشيت مع باسم وحكيتلوا الكلام اللى رنا قالتهولى وظبطنا الخطه اللى هنعملها مع بعض

من ناحيه تانيه فى البلد عند خالى قاعد مع مراته

سميره : هتقعد كده كتير فى البيت

خالى : عاوزانى اروح فين يعنى

سميره : قوم دورلك على شغلانه تشتغلها احسن من قعدة البيت

خالى : خلاص من بكره هروح افتح الشركه اللى سايبهالى ابويا

سميره : انت بتتريق عليا

خالى : يعنى عاوزانى اقولك ايه .... انا مبعرفش اعمل حاجه غير الزراعه وتربية البهايم

سميره : شوف اى حد كلمه يمكن يحنن قلب الحاج ابراهيم عليك ويرجعك الشغل تانى

خالى : ده راجل ضلالى وابن كلب

سميره : انا عارفه انه ضلالى بس احنا مفيش قدامنا حل

خالى : خلاص اسكتى وانا هتصرف

سميره : هتعمل ايه يعنى

خالى : ابوس ايدك يابت الناس انا مش ناقص هم فوق دماغى

سميره : طب ايه رائيك تسافر لدياب وتستسمحه يمكن يساعدك

خالى : اقفلى على الموضوع ده احسن ارمى عليكى يمين الطلاق وارميكى فى الشارع

سميره : خلاص انت حر ..... انا قايمه احضر الغداء

بعد ما سميره راحت تحضر الغداء .... خالى دخل اوضته وقفل عليه الباب بالمفتاح وفتح دولابه واخد منه شنطه فتحها كان فيها هدوم واحده ست .... مسك الهدوم دى وبيشم ريحتها وبعد كده دخل فى نوبة عياط اكتر من نص ساعه وبعد كده بقى يكلم نفسه

خالى : وحشتينى اوووووى يا ابتسام .... انا عارف انك زعلانه منى علشان اللى انا عملته فى دياب .... سامحينى بس مكنتش قادر اتصوره قدامى هو او حتى ابوه .... انا عارف ان دياب ملهوش ذنب فى كل اللى حصل بس فكرة انه حفيد العاصى ده لوحدها بتتعبنى .... كنت عاوز انتقم من العاصى باى شكل لكن للاسف عكيت الدنيا زى ما انتى دايما كنتى تقوليلى ... فاكره كنتى بتقوليلى ايه لما الغضب بيملانى .... كنتى تقوليلى انت مش هترتاح غير لما تعك وتنيل الدنيا .... انا عارف انى غلطان بس برضه مش هقدر اروح لدياب علشان اصالحه هيفتكر انى طمعان فيه او عاوز منه حاجه .... سامحينى با ابتسام مش هقدر انفذ الوصيه ... انا عارف انك طلبتى منى انى ابقى جمب دياب واحميه واحافظ عليه بس مش قادر كل ما ابص فى وشه بشوف العاصى قدامى

بعد كده خالى قفل الشنطه تان ورجعها فى الدولاب وخرج من البيت

نرجع عندى انا يوم الخميس اخدت باسم وجوبا وروحنا Cairo festival علشان ننفذ الخطه اللى اتفقت عليها مع باسم ... وقعدنا فى كافيه على النافوره

جوبا : ممكن افهم انتوا جايبنى هنا ليه .... وليه ما سبتونيش انزل البلد النهارده

باسم : جايين نتفسح شويه ونفك عن نفسنا شويه وبعدين ياعم انت مش لسه كنت فى البلد الاسبوع اللى فات ... ايه لحقت توحشك .... وبعدين قولت نونس دياب ونقعد معاه بدل ماهو كل خميس وجمعه قاعد لوحده

جوبا : ماشى يا باسم ... بس جايبنى هنا ليه

انا : يا عم تغيير الواحد تعب من كافيهات المقطم

جوبا : بس الاسعار هنا غاليه

انا : هو حد طلب منك فلوس ... انا عازمك ياسيدى

جوبا : اذا كان كده ماشى

انا : خلينا فى المهم

جوبا : خير فى ايه

انا : وبعدين معاك انت مش ناوى تنزل الجامعه

جوبا : بصراحه خايف

رنا دخلت علينا : وخايف من ايه يا جوبا

جوبا : رنا ايه اللى جابك هنا

انا : ايه اللى اخرك كده احنا مثبتينه هنا بالعافيه

رنا : معلش كنت مستنيه اللحظه المناسبه

جوبا : هو فى ايه بالظبط

رنا : انا هفهمك كل حاجه

انا : طب نسيبكم انا وباسم تتكلموا براحتكم وندخل احنا المول وبعد ماتخلصوا كلام اتصلوا بينا

رنا : ماشى يا دياب روح انت

ومشيت انا وباسم مع بعض دخلنا المول وسبناهم مع بعض

: ممكن افهم ايه اللى بيحصل بالظبط

رنا : اللى حصل يا سيدى ان انا بحبك ومن السنه اللى فاتت بس مش لاقيه الطريقه اللى اعبرلك بيها عن حبى ... لحد اللى انت عملته من كام يوم خلانى اتجراء واكلم دياب وهو اللى ظبط الليله دى

جوبا : يعنى انتى ما عملتيش محضر عند العميد

رنا : لا حكاية المحضر ده لعبه عملها دياب وباسم بعد ما سبتهم وخلعت

جوبا : ياولاد الجزمه .... انا هعرف شغلى معاكم

رنا : هما بيحبوك جدا على فكره

جوبا : وانا كمان بحبهم وماليش اصحاب غيرهم

رنا : خلاص اعذرهم على اللى عملوه فيك

جوبا : علشان خاطرك مسامحهم

من ناحيه تانيه عند يمنى كانت زعلانه من اللى عملته فيها فى الجامعه وقاعده مع نفسها فى اوضتها وفجأه طلعت تليفونها وطلبت رقم

يمنى : انت فين يا معتز .... لوحدك ... طب نص ساعه وهجيلك

بعد نص ساعه يمنى كانت قاعده مع معتز فى شقته

معتز : مالك يا بنتى فى ايه

يمنى : مفيش

معتز : لا انتى شكلك غريب

يمنى : انا الحيوان يعمل فيا كده ده انا ادهسه تحت جزمتى

معتز : ايه فى يابنتى فهمينى مين ده وعمل ايه

يمنى : فكك يا معتز .... اقفل تليفونك ولف سجارتين على ما ادخل اخد شاور واغير هدومى عاوزه انسى الق*ف ده ... انا هبات هنا النهارده

معتز : بيتك ومطرحك دى الشقه تنور ( الله يرحم ايامك يافاتن )

يمنى : عندك حاجه نشربها

معتز : عندى حتة حشيش بس مالهاش حل

يمنى : حلو ... اظبطلنا القعده كده لحد ما اغير هدومى وارجعلك

معتز : خدى راحتك يا مزه ( برضه الله يرحم ايامك يافاتن )

ودخلت يمنى غيرت هدومها وخرجت فى الوقت ده معتز كان ظبط القعده ولف سجاير الحشيش وشغل مزيكا

معتز : ايه رائيك فى الجو

يمنى : حلو خلى الواحد ينسى ويفرفش شويه

معتز : بس لو تقوليلى ايه حصل

يمنى : اطلع من دماغى وولعلى سجاره وصبلى كاس

معتز : خدى يا ستى السجاره والكاس جاهزين

يمنى بعد ما شربت كاسين قامت علشان ترقص .

يمنى : طب قوم اطلبلنا اكل علشان انا جوعت ولسه السهره طويله

معتز : من عينى

يمنى : انا هدخل اخد شاور على ما الاكل يوصل

نرجع عندى انا وباسم وجوبا خلص اليوم على كده ووصلنا رنا الشقه اللى ساكنه فيها ورجعنا احنا شقتنا وقعدنا نرغى مع بعض فى اللى حصل وبعد كده جوبا سابنى انا وباسم لوحدنا فى البلكونه ودخل يكلم رنا فى التليفون

باسم : فى موضوع عاوز اكلمك فيه وخايف تزعل منى

انا : لو عارف ان الموضوع هيزعلنى بلاش منه

باسم : انا مش عارف اذا كان مسموحلى اتكلم فيه ولا لا

انا : خير يابنى فى ايه

باسم : الموضوع بخصوص علاقتك بيمنى

انا : مالها علاقتى بيمنى

باسم : شايفك بتعاملها عادى كده مش معاملة اتنين بيحبوا بعض ... يعنى كنت ناسى عيد ميلادها وامبارح كنت ناشف معاها بعد ماقعدت مع رنا ... حاسك مش بتحبها

انا : انا هريحك .... موضوع عيد الميلاد ده انا نسيته بس مش متعمد لان الفتره اللى فاتت كنت فى مشاكل كتير جدا واعمامى كانوا عاوزين يقتلونى وانت شوفت بنفسك اللى حصل فشئ طبيعى اسقط حاجه زى دى .... اما بالنسبه لانى كنت ناشف معاها لانى عاوز اعلمها حاجه انى طالما قولتلها على حاجه سر وماتسالنيش فيها او هقولها بعدين يبقى تسمع الكلام من اول مره وماتجادلش معايا .... المشكله فى يمنى انها بنت متدلعه اتعودت على ان كل طلباتها مجابه ومن قبل ما تطلبها .... اتعودت انها تؤمر واوامرها تتنفذ من غير نقاش وانا ما بحبش الاسلوب ده

باسم : انا كده فهمت ...يعنى انا بتدبحلها القطه

انا : حاجه زى كده ... اما بالنسبه لموضوع الحب ده لسه بدرى عليه

باسم : ازاى يعنى مش فاهمك

انا : انا معاك ان يمنى بنت ناس وانا مرتاحلها بس لسه ما وصلتش لمرحلة الحب .... وده مش لعيب فى يمنى لا ده العيب فيا انا ... لسه حاسس جوايا بإحساس ال**ره وشكلى مش هعرف اخلص منه ابدا وخايف يجى اليوم اللى يمنى تعايرنى بمشكلتى مع عيلتى علشان كده بحاول ماتعلقش بيها لان بنسبه كبيره جدا انا ويمنى مش هنكمل مع بعض

باسم : متقولش كده دى اوهام فى دماغك انت وبس

انا : جايز ..... بس انا متعود ابقى واقعى شويه

باسم : طب فى حاجه تانى عاوزها منك

انا : حاجة ايه يا سيدى

باسم : انا هنزل تدريب من بكره فى مكتب الدكتور شريف

انا : طب وفين المشكله

باسم : لا مفيش مشكله ولا حاجه .... بس كنت عاوزك تيجى معايا تدرب الدكتور شريف قالى اجيبك معايا علشان تتدرب

انا : هو مش الدكتور شريف ده قريبك

باسم : ايوه يعتبر ابن عمى ..... ايه هتيجى معايا ولا ايه نظامك

انا : هاجى معاك بس مش دلوقتى

باسم : امال هتيجى امتى

انا : شويه كده بس

باسم : على العموم براحتك

تانى يوم باسم طلع على اكتوبر علشان يبدأ التدريب هناك .... اول ما وصل المكتب مكانش موجود غير الدكتور شريف والساعى بتاع المكتب بس

باسم : ايه يا شريف امال فين اللى بيشتغلوا هنا

شريف : ايه شريف دى ... هو انا بلعب معاك انت ناسى ان انا الدكتور بتاعك

باسم : الدكتور بتاعى دى هناك فى الجامعه لكن هنا انت ابن عمى

شريف : طب اعمل حسابك قصاد الطلبه اللى هتيجى دلوقتى تحترمنى وتقولى يا دكتور

باسم : ماشى يا سيدى هحترمك قدامهم .... بس فين الناس اللى بتشتغل معاك

شريف : ياعم النهارده اجازه انا جيت بس علشان خاطرك انت واللى هيتدربوا معاك

باسم : انا عارف انى تاعبك معايا

شريف : متقولش كده انت برضه ابن عمى ولازم استحملك

باسم : ماشى يا سيدى .... بس اللى هيتدربوا معايا من عندنا فى الجامعه ولا من فين

شريف : لا ياعم دول بنتين من هنا فى اكتوبر بدرسلهم فى الجامعه وطلبوا منى اكتر من مره ادربهم بس انا مكنتش فاضى لكن لما انت كلمتنى وقولتلى انك عاوز تنزل معايا تدريب قولت اجيبهم معاك بالمره

باسم : اذا كان كده ماشى

شريف : بالمناسبه انت قولت لدياب انى عاوزه يتدرب معاك

باسم : ايوه قولتله وقالى هينزل معايا فى اجازة الصيف لان خلاص الامتحانات قربت

شريف : خلاص تمام كده .... بصراحه انا الواد ده بحبه جدا

باسم : هو يتحب فعلا

شريف : هو شخصيه محترمه كده وبيحب يساعد الناس وهادى كده ومش بتاع مشاكل

باسم : عندك حق فى دى .... بس عيبه الوحيد ان المشاكل بتيجى لحد عنده

شريف : قصدك مشكلته مع اعمامه

باسم : انت مين قالك على المشكله دى

شريف : انت ناسى ان ابن عمه يبقى صاحبى وفى شغل كتير بينا

باسم : معلش نسيت الموضوع ده ..... ايه اخبار ابن عمه معاك

شريف : هو بصراحه راجل محترم جدا .... تحس ان فيه شبه كبير من دياب فى الطبع والدماغ الناشفه والعصبيه بس من جواه طيب جدا

باسم : طيب ازاى يعنى بعد كل اللى عملوه معاه

شريف : لا بس ده غيرهم خالص .... هو بقاله فتره كبيره بيصلح فى المشاكل اللى عندهم فى العيله بس مفيش حد مديله فرصه

باسم : ولو ... برضه دياب ملهوش ذنب فى كل اللى بيحصل

شريف : طب انا هقولك سر بس تحلف الاول ان الكلام ده اوعى تقوله لدياب

باسم : اقسملك ان كل الكلام اللى هتقوله هيفضل سر بينى وبينك

شريف : ابن عم دياب بعت رساله لدياب قبل اعمامه ما يهجموا عليه فى الشقه بيومين وبلغه فيها بكل اللى هيحصل .... بس دياب ميعرفش مين اللى بعت الرساله دى

باسم : قولتلى .... انا دلوقتى فهمت اللى بيحصل

شريف : ايه فى حاجه تانى انت تعرفها

باسم : لا مفيش حاجه بس انا كنت مستغرب شويه

شريف : لا ماتستغربش يا سيدى

وهما بيتكلموا مع بعض كان البنتين وصلوا .... باسم اول ما شافهم اتصدم وقام من مكانه

باسم : هو انتى

البنت : انت ايه اللى جابك هنا

باسم : انا جاى علشان اتدرب هنا

البنت : بعد اذنك يا دكتور انا مش هقدر اكمل مع حضرتك فى التدريب

الدكتور : ايه فى يا سلمى

سلمى : لا مفيش يا دكتور بس مش هقدر اقعد مع البنى ادم ده فى مكان واحد

الدكتور : فهمينى بس فى ايه

باسم : بعد اذنك يادكتور ثوانى وهفهمك .... وبص على سلمى وقالها .... اول حاجه انا بعتذر عن الموقف اللى حصل من كام يوم انا بعدها رجعت الجامعه وحاولت ادور عليكى علشان اعتذرلك بس معرفتش اوصلك .... ثانيا انتى تقدرى تكملى تدريبك براحتك وانا ممكن استأذن وامشى علشان ماتدايقيش

شريف : اهدى بس يا زفت انت فهمونى ايه اللى حصل

سلمى : انا هحكيلك اللى حصل يا دكتور ( وحكت سلمى كل اللى حصل من باسم )

شريف : يخرب بيتك يا باسم .... حد يعمل كده

باسم : انا عارف انى غلطت .... وندمت بعد كده ورجعت علشان اعتذرلها بس ماعرفتش اوصلها وانا دلوقتى بعتذر قدامك ومستعد اسيب التدريب لو ده هيريحها

شريف : خلاص يا سلمى هو بيعتذرلك وانا كمان بعتذرلك بالنيابه عنه

سلمى : العفو يا دكتور ميصحش انك تعتذرلى

شريف : لا يا ستى يصح .... طالما ليا ابن عم متعب وعصبى زى الفالح ده يبقى اقل حاجه ممكن اعملها انى اعتذرلك

سلمى : هو يبقى ابن عم حضرتك

شريف : ايوه يا ستى ده ابن عمى

سلمى : خلاص مسامحاه علشان خاطر حضرتك بس

شريف : هو ده العشم برضه

باسم : وعلى العموم ياستى انا اسف مره تانيه

سلمى : خلاص مش زعلانه

شريف : كده كويس .... نعرفكم بقى على بعض ... ده باسم ابن عمى فى هندسه فى المقطم ودى ياسيدى سلمى ... ودى ندى صاحبتها ومعاها فى السيكشن

باسم : تشرفنا ياسلمى .... تشرفنا يا ندى

ندى : اهلا بيك يا بشمهندس .... بس انا حاسه انى شوفتك قبل كده بس مش عارفه فين

باسم : وانا برضه حاسس انى شوفتك قبل كده .... ممكن يكون فى الجامعه لانى على طول بروح الجامعه عندكم اقابل اصحابى اللى من البلد

ندى : ممكن برضه .... على العموم فرصه سعيده

باسم : انا الاسعد

سلمى : لولا الموقف اللى حصل مابينا كان زمانى قولتلك فرصه سعيده بس لسه متغاظه منك

باسم : ياستى ما انا اعتذرتلك خلاص بقى

سلمى : خلاص ياعم فرصه سعيده

شريف : ايوه كده ناس مابتجيش غير بالسك

باسم : ليه كده ياعم

شريف : لا متشغلش بالك دى حاجه كده .... وبعدين ايه ياعم دى هو انا بتاع طعميه بيعملك ساندوتشات

باسم : خلاص اسف يا دكتور

سلمى : واضح كده انت هتقضيها اعتذارات النهارده

شريف : اللى قدامك ده عمره ما عرف معنى الاعتذار ودى اول مره النهارده اشوفه بيعتذر لحد

سلمى : خلاص طالما اعتذر دى معناها حاجه كبيره واحنا لازم نسامحه

شريف : ماشى يا ستى .... يلا بينا نشوف هنعمل ايه

واشتغلوا مع بعض فى التدريب .... وبعد كده باسم رجع وحكالى اللى حصل

من ناحيه تانيه يمنى قاعده فى كافيه وبعد شويه ريهام جات قعدت معاها

ريهام : وبعدين معاكى يا يمنى

يمنى : مالك يا ريهام داخله حاميه عليا

ريهام : انتى ليه م**مه تنتقمى منى فى حاجه انا مليش اى ذنب فيها

يمنى : ومين قالك انى بنتقم منك

ريهام : تقدرى طب تفهمينى ايه اخر علاقتك بدياب

يمنى : انا عزماكى على خطوبتنا فى الاجازه

ريهام : دياب لو عرف حقيقتك هيحرقك

يمنى : وبرضه لو عرف حقيقتك انتى كمان هيحرقك

ريهام : انتى ليه فاكره ان انا السبب فى موضوعك

يمنى : امال مين السبب غيرك .... انتى وقتها قولتيلى اسباب فى الاول اقتنعت بيها وصرفت نظر خالص عن موضوع ارتباطى با اخوكى لكن اتفاجئ بعدها بكام شهر بخطوبته

ريهام : ممكن نبقى واضحين مع بعض

يمنى : ياريت

ريهام : انتى عمرك ما حبيتى اخويا ولا هو حبك .... تقدرى تفهمينى ايه سبب كل الكره ده ليا

يمنى : ومين قالك انى ماحبيتش اخوكى

ريهام : قولتلك خلينا واضحين مع بعض .... انتى عمرك ما حبيتى ولا عرفتى معنى الحب وانتى اللى لفيتى شباكك على اخويا وهو صدك بدل المره الف بس برضه انتى مابتحرميش ... وبعدين علاقتك با اخويا كانت علاقة مصالح وكلنا عارفين ايه اللى بيحصل

يمنى : طالما انتى شايفه كده يبقى الكلام بينا انتهى على كده

ريهام : وايه اخر علاقتك بدياب

يمنى : متخافيش دياب ده مش الاستايل بتاعى

ريهام : امال ايه موضوع الخطوبه ده

يمنى : عادى هلعب بيه شويه وبعد كده ارميهولك

ريهام : يعنى انتى مش هتجيبيها لبر

يمنى : اعلى ما فى خيلك اركبيه

ريهام : بلاش تلعبى معايا اللعب ده يا يمنى .... انتى عارفه كويس انا ممكن اعمل فيكى ايه

يمنى : وانتى برضه عارفه كويس انا ممكن اقول لدياب ايه عنك

ريهام : بقى كده يا يمنى

يمنى : هو ده اللى عندى .... يلا اسيبك دلوقتى علشان دياب مستنينى نخرج مع بعض

ريهام : بكره نشوف مين اللى هيضحك فى الاخر

وقامت يمنى سابت ريهام ومشيت

وعدت الايام بعد كده وخلصنا التيرم التانى ودخلنا فى اجازة الصيف وسبنا بعض انا وباسم وجوبا ... علشان والد باسم شغله اتنقل القاهره وباسم هيعيش مع اهله ... وجوبا قرر يسكن مع جماعه معاه فى القسم علشان يذاكر معاهم وعلشان الابحاث والمشاريع اللى عندهم فى القسم لانه طول السنه اللى فات رايح جاى من عند اصحابه لما طلع عينه وانا قررت اسكن لوحدى واشتريت شقه فى النافوره بس قررت اسكن فيها على بداية الدراسه وارجع اقعد فى شقة الجيزه .... وخطوبتي بيمنى عملناها بس حاجه كده على الضيق

• بعد الخطوبه بيومين كده كنت نايم عادى وصحيت على تليفونى بيرن وكانت ليندا ودى تبقى واحده صاحبت ده غير انه شريك فى شركات تانيه كتيره ليها فروع فى العالم كله ..... واخر مره شوفت فيها ليندا من سنه لما جات زياره لمصر لكن بعد مارجعت امريكا معرفش عنها حاجه ى من امريكا من اصل مصرى بس اتولدت فى امريكا لكن بتنزل مصر كتير والدها يبقى رجل اعمال كبير جدا فى امريكا وشريك مهم جدا فى الشركه اللى كان والدى بيشتغل فيها.... اول ماشوفتها بتتصل استغربت لانى بقالى فتره معرفش عنها حاجه ولا بكلمها .... لكن رديت عليها

انا : ازيك يا ليندا

ليندا : ازيك ايه .... ده انا هخرب بيتك

ياترى ايه فى ده بقى هنعرفه فى الحلقة اللى جاىة

#