BREAK down your walls, Enzo. It's the only way.
Iyon ang katagang sinabi ni Lena sa kanya pitong taon na ang nakalilipas. At panay ang pagdaan niyon sa isipan niya mula nang maapektuhan siya nang husto sa ginawa ni Axel kay Tasha.
Sinubukan niyang sundin ang sinabi ng psychiatrist: unti-unti niyang tinitibag ang pader habang lumilipas ang araw na hindi niya nakikita si Tasha; ipinaramdam niya sa mga taong nagugustuhan niya ito.
Nang mabungaran niya ang babae kaninang nakatayo, muli na namang dumaan sa pandinig niya ang katagang iyon, na para bang ipinahihiwatig na 'wag na siyang magkakamaling magpigil pa.
So, he let himself to feel what his heart truly felt: happiness.
Marahil, tama nga si Eon no'ng umagang iyon: gusto niya si Tasha. Hindi lang niya inamin noong una. Because every tim
