KUNG saan-saan dinala si Tasha ng mga paa. Hindi siya lumilingon. Gayunman, isang parte niya ang umaasang hinahabol siya ni Enzo.
Bakit ba ang o.a ng reaksyon ko? Bakit ba ang sakit-sakit?
Paanong hindi masakit kung iyong babae na kahalikan ni Enzo ay halos makita na ang kuyukot? Napakaiksi ng high waist shorts na suot. Higit pa roon, naka-crop top din ang babae na halos parang nagmukhang bra na iyon sa paningin niya.
Hindi tulad niya na kung manamit ay tila isang batang paslit. Kung hindi dress na below the knee, dress na above the knee ang haba. Ganoon lang naman kasi ang mga damit niya.
Iyon ba ang mga tipo ni Enzo?
Sa sobrang paninikip ng dibdib niya, napasandal siya nang patagilid sa glasswall ng kung anong boutique. Doon, lalo siyang nag-uumiyak, na kulang na lang ay suntukin ni
