Paakyat na sana ako patungo sa aking kuwarto nang tawagin ako ng isa pa naming kasambahay na noo'y katabi ni Kulot na nag-aalangang tumingin sa akin. Siguro'y dahil iyon sa inasta ko nang pumasok ako. Agad din naman akong nagsisi sa ginawa kong pagsigaw-sigaw kay Kulot dahil maging ang kapatid ko ay nakanguso at mukhang hindi nagustuhan iyong ginawa ko.
"Ma'am, iyong Papa niyo po'y nakauwi na. Ang sabi niya po kasi'y pagkadating na pagkadating niyo raw ho'y sabihan daw po kayong magtungo sa library."
Nagulat ako roon. Narito na sina Papa? Hindi man lang nila kami sinabihan. Pagpupunta kasi sila dito'y alam namin. Sinasabihan na muna kasi kami ng mga kasambahay o direktang sinasabi nalang nila sa amin iyong pagdating nila. Hindi iyong ganitong narito na sila agad. There must be an emergen
