Bitawan mo, ang girlfriend ko.
Natulala ako sa madiin at tuwid na pagbabanta ni Buchay habang nakikipagtagisan ng matalim na titig kay Dwight.
Napahinga ako nang malalim bago binawi sa kanilang dalawa ang mga braso ko at humalukipkip sa mga ito habang nakataas ang kilay kong palipat-lipat ng tingin sa mga ito.
Pero kaagad ding bumigay ang taray-tarayan mode ko kay Buchay dahil ngumiti ito na may kasamang pagkindat na ikinalaglag ng panty ko!
Mahal naman eh! Nagagalit ako.
Maktol ko na ikinatawa nito at muli akong hinablot sa braso pakabig sa kanya. Napakagat-labi naman ako para pigilin ang ngiti pero 'di ko kaya dahil sa kilig overload na nararamdaman ko ngayon! Tuluyan akong napahagikhik at sumiksik sa ilalim ng kili-kili nitong kay bango! Sinundot-sundot ko rin ito sa tagiliran na i
