SUNOD-SUNOD NA pagkatok ang agad na nakakuha nang atensyon ni Stephanie habang nakatulala lang siya sa kisame ng kwarto at nakahiga sa kaniyang malaki at malapad na kama. Agad na binatuhan niya nang tingin ang nakasaradong pintuan nang silid niya at doon na siya unti-unting napabangon habang napapalunok ng laway dahil sigurado siya na si Scot ang kumakatok na ‘yun sa labas ng silid niya. Pakiramdam niya ay parang hindi pa siya handa na harapin si Scot matapos ang mga sinabi niya dito kaninang madaling araw pero alam naman niya na hindi niya magagawang iwasan nang iwasan ito lalo na kung nasa iisang bahay lang naman sila. Ang alam niya rin kasi ay hindi talaga umalis si Scot nang bahay matapos siya nitong maihatid galing presinto.
Kahit wala talaga siyang plano na makausap si Scot ay hinan
