BAGO PA tuluyang makauwi si Scot sa bahay nila ay dumaan muna siya sa mall para bumili ng damit sapagkat hindi naman siya pwedeng umuwi nang pareho ang damit na suot niya bilang siya at bilang si Lexus. Gastos na naman ‘yun para sa kaniya. Naisip niya na sana pala ay humingi siya ng allowance sa kakambal niya nang pumayag siya sa pabor na hinihingi nito sa kaniya dahil mukhang ma uubos ata ang pera niya sa mga bagay na walang kwenta at sa mga bagay na wala siyang mapapala.
At pagkatapos niyang makapag palit ng damit ay doon siya nakatanggap ng mensahe galing kay Steph na tinatanong kung pauwi na ba siya dahil may pag uusapan daw sila. Hindi naman niya maiwasan na mapa irap ng dahil doon at mas pinili na lang niya na ‘wag nang replayan ang text ng dalaga saka nag madali na lang siyang umuw
