#ThatGuy
EPISODE 17
“Kanina pa tayo naglalakad ha… Saan ba talaga ang bahay mo?” naiinis kong tanong kay Timothy habang patuloy pa rin kami na sabay na naglalakad. Kung saan-saan na kaming eskinita lumusot at naglakad at sa totoo lang, napapagod na ako sa kakalakad.
Ewan ko ba kung anong naisipan ko kung bakit gusto ko na malaman kung saan siya nakatira.
“Malapit na tayo...” sabi sa akin ni Timothy.
“Kanina pa mo ‘yan sinasabi eh hanggang ngayon, di pa rin tayo nakakarating…” nagmamaktol kong sabi.
Masasabi kong squatter area itong dinaraanan namin. Bakit? Eh ang daming bahay or should I say, barong-barong na magkakatabi plus na ang dami ring tao na nasa daan. Mga batang walang sawang naglalaro kaya madungis na iyong iba, mga lalaking inom ng inom sa kung saa
