EPISODE 41
Napatigil ako sa pagsakay sa motor ko at bahagyang nagulat ng biglang lumitaw si Sophia The First. Abot-tenga ang ngiti nito na nakatingin sa akin habang ako naman ay nangunot ang noo at nagsalubong ang magkabilang kilay dahil sa pagtataka. Bakit ba ito nandito? Dapat nandun siya ngayon kay Timothy na iniwan ko na sa library dahil sa abala ito sa pagbabasa.
“Hi Calvin…” ang pagbati nito sa akin na lalo kong ikinataka.
“May kailangan ka ba?” tanong ko sa kanya. Kasing-lamng ng yelo sa ref ang boses ko. Sa totoo lang, ayaw ko siyang makausap o makita man lang dahil nakakaramdam pa rin ako ng inis sa kanya.
Napailing-iling ito. “Ah… Wala naman… Gusto ko lang sana makipagkilala at makipagkaibigan sayo since magkaibigan na rin naman kami ni Timothy na kaibigan
