IVAN POINT OF VIEW
"Bakit ganyan ang itsura mo?" Biglang sulpot ni Eliza sa bar. Umupo siya sa tabi ko at tumingin sa akin nang seryoso.
"Ikaw, bakit ka nandito?" pabalik na tanong ko.
"Hinahanap ko kasi si Unggo. Nag-away kami kanina akala ko kasama niyo," paliwanag niya.
"Unggo?"
"Si Jericho. Haha! 'Yon lang ang tawag ko sa kanya."
"Wala siya dito." Pilit na ngiti ko.
Nag-isip naman siyang bigla at tumawag gamit ang cellphone niya.
Pinagmasdan ko siya at nakaramdam ng inggit. Kailan kaya may maghahanap sa akin?
Si Zarina, akala ko siya na.
Huh, bunga lang pala siya ng kahapon. Kahapon na hindi ko matakas-takasan.
Mahal ko si Lily pero hindi ko matanggap na nabuntis siya ng iba. Tiniis ko ang ugali niya pero, ano bang kulang pa sa akin at nagawa niya pang humanap ng iba?
Napay
