ZARINA POINT OF VIEW
12:00
Tsk. Ano ba naman 'yan? Bakit ba nilagay nila ako sa night shift ngayon?
Antok na antok na ko.
12:30
"Asan na ba 'yung customer na 'yon?!" Asar na tingin ko sa relo ko habang naghihintay.
Naalis lang ang inis ko nang mapagmasdan ko ang design ng buong restaurant. Isang table at dalawang bangko lang ang nasa gitna. Tapos ang buong restaurant ay punong-puno ng red and white roses. Napakaganda.
Siguro ay magpo-propose ang naghanda nito. Inarkila niya pa ang boong restaurant namin. Tapos sa gilid may banda pa na tutugtog ng mga love songs.
Napakaganda talaga.
"ZARINA?!" asar na sigaw na naman ng manager namin kaya mabilis akong napatakip ng tainga sa sobrang lakas.
"Po?" tinatamad na sagot ko.
"Ano 'yang suot mo?!" sigaw na naman niya sa akin.
"Uniform?"
