Avannah's P.O.V.
"Hoy bakit ngayon ka lang? Ang tagal mong absent. Akala ko nga hindi ka na papasok," wika ni Sheena nang makita ako.
Nginitian ko siya. "Nagkasakit ako. Sobrang sakit ng katawan ko at ulo. Hindi ko kinayang pumasok. Nagpaalam na nga lang ako kay ninong eh. Baka isipin niya tinamad akong pumasok. Baka isumbong pa ako kay papa."
"Usapan nga rin sa office department na ang lakas daw ng loob mong hindi pumasok porke ninong mo raw ang may ari ng kompanyang ito. Hindi talaga maiwasan ang mga marites lalo na sa trabaho," sabi niya sabay iling.
"Hayaan mo na sila. Basta ikaw, alam mo na ang dahilan kung bakit hindi ako nakapasok."
"Ganoon talaga ang mga tao dito. Mapanghusga. At marami pa dito ang sipsip para tumaas ang posisyon sa trabaho. Kaya malamang sa malamang, marami a
