◄David's POV►
"Bro, bakit ganyan ang hitsura mo? May problema ka ba?" ani sa akin ni Darwin. Humugot ako ng malalim na paghinga at naupo ako sa sofa. Nandito ako ngayon sa penthouse at kasama ko ang mga pinsan ko.
Hindi agad ako nagsalita, tahimik lamang akong nag-iisip kung ano ang dapat kong gawin. Mahal na mahal ko si Allison at kaya ko siyang panagutan pero nag-aalala din ako sa kung ano ang mangyayari sa oras na malaman ito ng aking mga magulang.
"Buntis si Allison," ani ko. Natahimik ang lahat, ang kaninang mahihinang pag-uusap nila ay napalitan ng katahimikan. Katahimikan na ni isa man sa amin ay walang nagtatangkang basagin.
"Hindi ko alam ang gagawin ko. Mahal na mahal ko si Allison at kaya ko siyang ipaglaban. Ang ikinatatakot ko lang ay kung paano ito haharapin ng akin
