┈┈┈┈◦•✩•◦┈┈┈┈
Alas dos na ng umaga ng makarating sila David sa private island niya. Sa pinaka gitna ng island ay may isang katamtaman lamang na laki ng isang two storey house. Simple lang ito at hindi nakakaagaw pansin. Hindi mo iisipin na ang nag-mamay-ari ng private island na ito ay isang Hendrickson. Nasa gitna ito ng dagat at speed boat ni David ang nagdala sa kanila dito at ang sasakyan nila ay iniwanan niya sa isang maliit na bahay na binili din ni David para sa katiwala ng kanyang private island.
"Ayun ang titirhan natin, simpleng rest house lang 'yan, para hindi pansinin," aniya.
"Dito tayo ng limang araw, may mga pagkain na rin sa loob at mga de-lata na pansamantala nating pagkain. Puno naman ang freezer ng mga frozen goods kaya wala tayong poproblemahin sa pagkain. Pinapuno ko
