◄David's POV►
Pumasok ako sa silid namin ni Allison habang sila naman ay namamasyal sa loob ng farm. Kinuha ko ang telepono ko at tinawagan ko si Braxtyn. Naglakad ako patungo ng balkonahe at pinanuod ko lang si Allison at si Gwenett na namimitas ng bulaklak.
Pagkatapos naming mag-usap ni Braxtyn ay napatingin akong muli sa kinaroroonan nila Allison.
Napangiti ako ng makita ko kung gaano kasaya ang mahal ko na nakikipag-usap sa mga tauhan ng mini farm ko.
Nakatitig lamang ako sa kanila ng tumunog ang telepono ko. Napatingin ako dito at ng makita ko na ang ama ko ang tumatawag ay bumalik ako sa loob ng silid at isinara ko ang sliding door ng balkonahe.
"Dad, napatawag ka?" tanong ko.
Sa tingin ko ay alam ko na kung bakit ito napatawag. Baka hinahanap nila si Allison. Usually kasi ay
