Nakikipaglaro si Selena sa kaniyang alaga. Kunwari ay zombie siya at hinahabol niya ito. Naroon lang naman sila sa loob ng silid nito kaya paikot-ikot lang sila. Para mas makatotohanan ay naghiram pa siya ng make-up kay Dina para pagmukhaing zombie talaga ang itsura niya.
Panay ang hiyaw ni Liam. Pinaghalo ang takot at tuwa sa kilos at galaw ng bata May mga pagkakataong pa ngang kapag malapit na siya ay binabato siya nito ng unan. Ang daming kalat sa kuwarto pero ayos lang naman sa kaniya, ang mahalaga ay masaya ang kaniyang alaga. Madali lang naman na iligpit ang mga iyon.
"Go away!" sigaw ni Liam na pilit siyang iniiwasan. Nang makahanap ito ng tiyempo ay nagawa nitong makalabas sa pinto at nagtatakbo. Dahil hindi pa rin siya nakakaalis sa karakter niya bilang isang zombie ay sinunda
