Freya
DUWAG na kung duwag pero hindi ko kayang makita si Jairus sa iisang lugar, and so I left. Isang linggo ang hiningi ko kay Trisha para makapag isip-isip. Pakiramdam ko nga ayoko ng bumalik pa sa Maynila. Lahat ng masasayang mga alaala ko doon, napalitan na ng lungkot at galit.
Hindi ko din lubos maisip na ang iniwan kong lugar ang siya ring babalikan ko ngayon. Kailangan ko ang taong nakakapawi ng mga luha at ng lungkot ko. Yung taong naging sandalan ko ng iwan ako ng lalaking mahal ko. Yung taong nagparamdam sa akin ng pagmamahal sa loob ng dalawampu't-pitong taon ng buhay ko.
Malayo ang nilakbay ko papauwi. At sa probinsyang ito na kung saan ako lumaki, nangarap, nagmahal at nasaktan ay siya ring lugar na pakiramdam ko, makakagamot ang lahat ng sakit na
