الفصل الثاني (2)

2143 Words

دخلت الفتاه التي داست على قدمها التي ما إن رأتها حتى نظرت إليها بتعالي وغرور وبعد ربع ساعة خرجت الفتاه وعلي وجهها ابتسامه ثقة وكأنها قد تم اختيارها ثم دخلوا الثلاث الفتيات الأخريات ولم يتبقي سواها وفي كل هذا الوقت كانت مرمر تدعو الله في سرها أن يتم اختيارها ، نادت الموظفه عليها لكي تدخل فلم يتبقي إلا هي دخلت غرفه واسعه وكان يوجد حائط زجاجي يوجد خلفه مجموعة من الأشخاص الذين يجلسون على جهاز يظبطون به الصوت وكل شيء أشاروا لها على منضدة قريبه منها رأت سماعات اخذتها ووضعتها على أذنها حينها سمعت اصواتهم رأت ثلاث رجال وامرأتان ومن هؤلاء الرجال شاب وسيم عمره فيما يبدو في الثلاثينات ويبدو أنه رئيسهم وهو الذي خاطبها قائلا .اسمك ايه . ردت مرمر بثبات وثقه تدربت كثيراً عليهم .اسمي مرمر .كمال محمد. الشاب بتأمل في جمالها.عمرك اد ايه؟ مرمر اتنين وعشرين سنة. الشاب.وايه مؤهلاتك؟ مرمر انا في اخر سنه في كلية تجارة. الشاب. ماشي يامرمر ممكن تغنيلنا حاجه حلوه كده زيك. مرمر بعد أن بلغت ريقها فها هي اللحظه التي سيحدد فيه مستقبلها فلا يوجد وقت للتردد والخجل طب انا حافظه اغنيه لشرين ممكن اغنيها. الشاب بابتسامة عريضة.اتفضلي وخدي راحتك عالاخر . أغمضت مرمر عينيها وهي تتخيل انها لوحدها تغني بمفردها في غرفتها يومين وياك حبيبي معاك حلوين معاك وحنينين يومين نسوني اسمي حبيبي وكنت مين وجيت منيين يومين وياك حبيبي معاك حلوين معاك وحنينين يومين وانا حالي حال وحالي غير ياحبيبي كل حال ومين فينا ببيختار يحب مين ويعيش لمين يومين وياك حبيبي معاك حلوين معاك وحنينين أفاقت مرمر علي التصفيق الحار من الشباب وقال الشاب برافو يا انسه اميره طب حافظه اغنيه قديمه لمطربين زمان مرمر . أيوه انا حافظه اغاني كتييير وومكن اغني اغنيه لا تكذبي لنجله. الشاب بتشوق. اوكيه اتفضلي احنا سامعينك. مرمر لا لا تكذبي. اني رأيتكما معا فدعي البكاء فقد سئمت الأدمع إني سمعتكما إني رأيتكما عينااااااكي في عينيه، في شفتيه ،في قدميه بالهمس باللمس بالااهات بالنظرات بال**ت الرهيب بال**ت الرهيب ويشب في قلبي حريق ويضيع من قدمي الطريق وبعد أن انتهت من الاغنيه.ذهبوا الشباب إليها وهم يصفقون ويصفرون لها وقال لها الشاب رئيسهم مب**ك يا انسه اميره أنتي اللي هاتكوني بطله الفيلم بتاعنا ونبره صوتك قويه والالفاظ والمخارج قوية وصحيحه وعندك بحه في صوتك مميزه. مرمر بعدم تصديق يعني بجد انتو اخترتوني. الشاب. أيوه انتي احسن واحده في البنات النهارده وكمان شكلك حلو وفيكي كل مواصفات البطله اللي احنا عايزينها . مرمر شكرا اوي يا استاذ قاطعها الشاب اسمي مازن ومن غير القاب احنا هتكون فريق عمل واحد وان شاء الله تاخدي علينا بسرعه علشان يطلع الفيلم في احسن صوره . قاطعه أحد الشباب واسمه محمد طب احنا هنعمل ايه في الانسه ريناد دا متوصي عليها من المنتج نفسه وعايزها تكون البطله مازن انا المخرج وانا شايف الانسه اميره هي أصلح واحده لدور البطله لأما يقتنع برأيي لأما يشوف مخرج غيري. محمد والله قوله انت الكلام دا مش انا. مازن .خلاص سبني انا اتفاهم معاه.ثم وجه كلامه لمرمرقائلا. خلاص يا انسه اميره اعتبري نفسك معانا بس احنا عايزين نختارلك اسم يعلق مع الناس. مرمر .طب ممكن يكون اسمي مرمر أصلي دا الاسم اللي الناس بينادوني بيه. مازن .امممم خلاص ماشي من النهارده أسمك مرمر وبس عشان الناس تحفظه بسرعه تقدري تمشي دلوقتي وأحيانا بكره في نفس الميعاد عشان نبتدي تصوير وسيبي عنوانك وتليفونك عشان لو احتجناكي . مرمر بفرحه . شكرا اوي سلام عليكم. ردوا عليها الجميع وعليكم السلام. توجهت مرمر الي الانسه الجاليه بالخارج وقالت لها مرمر الاستاذ مازن طلب مني أسجل اسمي هنا وبياناتي قالت لها الانسه .اتفضلي الورقه دي واكتبي بياناتك تناولت اميره منها الورقه ثم جلست على كرسي لكي تكتب بياناتها كتبت اسمها بالكامل وعمرها ومؤهلها ورقم بطاقتها الشخصية ورقم محمولها وعند خانه العنوان ترددت أن تكتب عنوانها وهي لم تخبر والديها بالأمر ذهبت إلى الانسه . وقالت لها وهي تكذب.ممكن يا انسه مكتبش العنوان عشان انا مش من القاهره انا من المنصوره وجيت لما شفت على الفيس بوك انكم عايزين وجه جديد وانا حاليا ساكنه مع عمتي وهي مبتحبش أي حاجة تيجي على عنوانها. الانسه طب خلاص اهم حاجه خليكي فاتحه التليفون على طول عشان لو احتجناكي. ظلت جنا تنظر للساعه كل حين منتظره قدوم مرمر بفارغ الصبر وقد استبد بها اليأس بعد وحين رأتها من بعيد تنفست الصعداء وقد أتت إليها مرمر في مكانهم المعتاد وهي تلهث جنا بقله صبر.هاه يابنتي اتاخرتي ليه وعملتي ايه ولقيتي ايه طمنيني بسرعه. مرمر.استني بس انا هاروح الحمام عشان اغير الفستان دا والبس الهدوم اللي جيت بيهم واحكيلك واحنا مرواحين واهو السكه قدامنا طويلة ونحكي براحتنا هاتي الكيس اللي فيه الهدوم بتاعتي عشان اغير بسرعه. جنا.طب يلا بسرعه . ذهبت مرمر الي الحمام وغيرت الفستان الذي ارتدته وارتدت نفس الملابس التي أتت بها وخلعت حذاءها وارتدت نفس حذاءها الذي أتت به ثم ارتدت حجابها وحين انتهت من ظبط نفسها وضعت فستان جنا ومتعلقاته في الكيس .ثم رجعت مره اخرى الى جنا وعندما وصلت إليها قالت لها يلا بينا. ووضعت يدها داخل يد جنا وهي تحثها على السير. مش هتصدقي ايه حصل هناك وشفت ايه وعملت ايه.ا جنا .بالراحة شويه شويه انا عايزه اعرف من اول مارجلك خطت هناك لغايه ماجتيلي هنا وبالتفصيل الممل. مرمر .بصي ياستي كل حاجه حصلت زي مانا اتمنيتها واكتر بس في بت هناك عكننت وتأنزحت عليا بس الحمد لله ربنا نصرني وأنا اللي اخترتوني جنا ليه عملتلك ايه البت دي. مرمر وانا ماشيه بتف*ج علي المكان دست على رجلها من غير ماقصد قولتلها انا اسفه ومقصدش قالتلي لأ تقصدي انتي عاميه مش تفتحي وشويه تاني وهتاكلني . جنا ايه البت الغلسه دي وأنتي سكتيلها . مرمر.لا انا بصتلها بق*ف قولتلها براحتك عايزه تقبلي آسفي ماشي مش عايزه براحتك وسبتها وهي شايطه. جنا جدعه كمليلي عملتي ايه بعد كده. مرمر .بعد كده دخلت وغنيت اغنيه لشرين وأغنية لنجاه وعجبهم صوتي وفضلوا يصقفولي وفي واحد اسمه مازن مخرج الفيلم اللي عايزين يعملوه قالي برافو عليكي يا انسه اميره أنتي اللي هاتكوني بطله الفيلم بتاعنا وكانوا عايزين يختارولي اسم فني حلو وسهل عشان يعلق مع الناس رحت قولتلهم على مرمر عجبهم وقالولي اجي بكره عشان ابدأ تصوير دلوقتي بقى فاضل اقنع ماما وبابا في البيت. جنا .طب إزاي هاتقدري تقنعيهم. مرمر بصي سيبني دلوقتي أفرح بنجاحي وبعد كده سيبي الحاجة على الظروف. وكعادتها مثل كل يوم لم تنتبه مرمر لأنس الذي يتأملها من بعد. وصلت مرمر الي بيتها وهي تدندن اغنيه لعبد الحليم حافظ الناجح يرفع أيده هي وهي تخبط علي الباب مثل طريقة عبد الحليم حافظ عندما كان يغني هذه الأغنية ونهنيه على طول دايما دايما على طول دايما نظرت لها امها وهي تضحك من حركتها خير نجحتي في ايه النهارده. مرمر وهي تحرك يدها مثل المايسترو اللذي يترأس الموسيقيين.دايما على طول دايما على طول دايما دايما دايما دايما دايما. أمها بضحك طب فرحيني معاكي . مرمر .مش هقولك غير لما تاكليني الأول ولو عجبني الأكل هااقولك. الأم عامله سمك ورز إيه رأيك؟ خلاص يا ماما هاغير هدومي وأكل وبعدين اقولك لغايه ما تجيبيلي الأكل. الأم . خلاص ماشي. غيرت مرمر ملابسها وارتدت عبايه برامودا فهي أحياناً ترتدي ما يعجبها في وجود أمها واخواتها البنات وتلبس واسع وطويل عندما يكون ابوها في البيت ووضعت مرمر صينيه الأكل التي أتت بها أمها على الطبليه وجلست تأكل بنهم شديد فالسمك من الأكلات المفضلة عندها.وجلست أمها بجانبها كي تتحدث معها. بتقولك ايه يامرمر عارفه المكتبه اللي بعدينا بشارع . مرمر وهي تاكل معلقه كبيره من الأرز وتتكلم أثناء الأكل. اه ياماما عرفاها مالها؟ الأم وعارفه الشاب اللي واقف فيها؟ مرمر وهي تاكل قطع من السمك بعد أن وضعته على الأرز أيوه ياماما عرفاه مش دا اللي إسمه أنس ؟ الأم . أيوه هو دا طلعتي شاطره وبتركزي في الناس. مرمر اكيد هعرفه عشان ساعات بشتري من عنده ورق وبصور محاضرات . الأم .وايه رأيك فيه؟ مرمر وانا مالي بيه هو انا هانسبه. الأم .يعني إيه رأيك في أخلاقه؟ مرمر وهي تجاري أمها في الحديث واعتبرتها دردشة عاديه بصي يا ماما انا مش بركز مع حد بس الصراحه هو راجل محترم وفي حاله وعمري ما شفته بيعا** بت ماشيه. الأم أنا كده اطمنت.ثم تابعت قائله. طب وايه رأيك لو طلب إيدك؟ شربت مرمر بعد أن انحسرت بعض من الأرز في زوارها وكادت أن تختنق وهي تحاول أن تتنفس.وجدتها أمها علي هذا الوضع فأخذت تربت غ ظهرها وهي تناولها كوب من الماء وهي تقول اسم الله عليكي يا حبيبتي خدي اشربي وخدي نفسك. تناولت منها مرمر الماء وبعد أن شربته وهدات قليلاً تركت الأكل وقالت. الحمد لله انتي بتتكلمي جد ياماما؟ الأم أيوه يابنتي يعني أنا بهزر. وفي هذا الوقت وصل ابو مرمر البيت وفتح الباب دون أن تشعر به زوجته وابنته المشغولات في الحوار وكاد أن يدخل لهما ليشاركهما في الحوار لولا أن استوقفني حديث ابنته التي قالت. بصي ياماما انا مبفكرش في الجواز دلوقتي وبصراحه كده انا شوفت على الفيس بوك أنهم عاوزين واحدة بتعرف تغني وتمثل عشان هيعملوا فيلم جديد وانا رحت النهارده امتحنوني ونجحت وأنتي عارفه اني بحب التمثيل والغناء. صدم الأب في مكانه وشعر بالدم يغلي في عروقه ودخل عليهم وهو يكاد يفتك بأبنته وامسكها من ذراعها التي انتفضت من مجيء أبيها في هذا الوقت وتوسعت عيونها في خوف وهي تري أبيها يصرخ في وجهها قائلا . إيه اللي إنتي بتقوليه دا انا بتي تمثل وتغني استغفر الله العظيم من كل ذنب عظيم،سلام قولا من رب رحيم دا انا ادفنك حيه ولا خليكي تعملي كده وتوطيد راسي قدام الناس. مرمر بخوف وهي تدافع عن حلمها.يابابا الفن مش عيب ولا حرام والناس بتحترم الفنان المحترم وأنا عمري ما هاعمل حاجه وحشه . الأب ان شالله حتي تكوني لابسه طرحه وبتمثلي لأ يعني لأ مرمر في محاوله ياءسه بس يابابا قاطعها ابوها قائلا خلاص خلص الكلام وتعملي حسابك أنتي بكره هاتشوفي العريس اللي جايلك هو جاي هو وأبوه وأمه. ثم وجه الكلام الي أمها يلا حطيلي اكل عشان اغير من وشكم. الأم التي كانت صامته فهي تخاف من بطشه حين يغضب هدي نفسك يابو مرمر هي مش هتطلع عن طوعك. الأب ادي اللي بناخده من خلفه البنات. جريت مرمر الي حجرتها و رمت نفسها علي السرير وهي تبكي بحرقه فها هو حلمها قد تحطم الي أشلاء ومن قبل أن يبدأ أو تتذوقه. وصل والد مرمر الي دكانه بعد أن تناول الغداء في بيته ولم يأكل كعادته رغم أنه كان يشعر بالجوع وانصرف سريعاً وهو يحس بالاختناق من جو البيت ولم تنفع محاولات زوجته في تهدئته ولم يشرب الشاي كعادته بعد الغداء ظل سارحا يفكر في الأمر فهو لم يخطر على باله مطلقاً أن تكون أبنته جاده في موضوع التمثيل وظن أنها عندما كانت تغني وتمثل في البيت أنها تتسلي أو تف*ج عن نفسها ولم يضع في حساباته أن يتمكن الأمر منها إلي هذا الحد ولكن لا متخلقش لسه اللي يخليه يحط رأسه في الطين سيزوجها من أنس وبعد الزواج هتنسي التمثيل نهائي وظل الأمر يشغل فكره حتي إنه كثيراً أخطئ في حساباته مع الزبائن إلي أن وجد ابو انس أمامه يقول له.السلام عليكم يابو مرمر. اب مرمر وعليكم السلام ورحمه الله وبركاته. ابو أنس .هاه ياابو مرمر انا جاي وكلي عشم انك توافق على الموضوع اللي فاتحتك فيه. ابو مرمر واحنا موافقين واحنا مش هنلاقي أحسن منكم ومستنينكم بكره بعد صلاة العشاء انت والمحروس ابنك وا****عة تشرفونا في البيت. ابو انس الف شكر ليك ياحج وربنا يجعلنا قرايب وحبايب. ابو مرمر وهو يشعر بشيء من القلق داخله _ربنا يديم بنا المعروف. ....... كان مازن جالس مع محمد يناقشه في بعض الأمور المتعلقة بتوزيع الأدوار في الفيلم الجديد وكان إسمه ( نجمه في السماء) وكانت قصه الفيلم عن زوج يحب زوجته وكانت مطربه مشهوره وكان يفعل لها المستحيل في تلبيه طلباتها الكثيره و المستحيلة ولكنها كانت انسانه متقلبة غير ثابتة على حال فيوم تحبه ويوم تكرهه ويوم تقربه منها ويوم تبعده عنها فكانت بالنسبة إليه كنجمه في السماء عالية ثم يجيء يوم تعمل البطله حادثة عربيه ويحدث لها شلل فيتباعد عنها المنتجين والمخرجين وبعد أن كانت نجمه في السماء تهبط أرض الواقع ولا يوجد احد بجانبها سوي زوجها فعلمت أن زوجها هو الذي بقى لها وراها كنجم يلمع في السماء ويضيء حياتها على الأرض. مازن .طبعا عايزين نخلي مرمر تعمل بروفة علي استعراضات الموجودة في الفيلم وعايزين نختار بطل ينفع لدور الزوج. .... واصلت مرمر البكاء إلي أن غلبها النعاس واستيقظت الساعة الثانية بعد منتصف الليل تفقدت أمها وأبيها وجدتهما نائمين وكذلك أخواتها البنات أخذت تفكر في القرار الذي اتخذه ابوها بشأن زواجها من اين أتى هذا العريس لكي يدمر كل مخططاتها قالت لنفسها هوف انا زهقت بقى من العيشه دي يعني بعد ما يختاروني من دون البنات كلهم اروح اصحي ب كل ده لااااا انا ما صدقت لقيت دي فرصة عشان أغني وامثل طب اعمل ايه بس يا ربي اموت في نفسي اسيبلهم الدنيا وامشي . ورنت الكلمه في أذنيها وهتفت أيوة انا اسيبلهم الدنيا واغور أيوه هاسيبلهم الدنيا وامشي . خاطبت نفسها هما اللي حرموني من حقي حرموني اني اتنفس. نفسها ترد عليها يعني الفن هيقف عليكي. مرمر لأ بس أنا حياتي هي اللي هتقف على الفن. نفسها .طب يهونوا عليكي امك وابوكي الغلابه . مرمر لأ بس اي حاجه بتبقي غريبه في أولها وبعد كده حيقبلوا بالأمر الواقع. نفسها. طب والناس هيقولوا عليكي ايه. مرمر الناس مش بتبطل رغي وبعد ما اكون نجمه كبيرة هيتمنوا أنهم يسلموا عليا. نفسها.طب وافرضي منجحتيش. مرمر بثقه لا انا هانجح انا غنيت اغنيتين بس وانبهروا بصوتي وانا صوتي موهبة مش ممكن اضيعها لم تجد نفسها القدرة على الرد بعد أن وجدت ت**يمها على قرارها نعم ستحاول أن تجد الفرصة للهروب من البيت وليكن ما يكن ده قراري النهائي

Free reading for new users

Scan code to download app

App Store Google Play

Facebookexpand_more