NAGPAKAWALA ng malalim na buntong-hininga si Judas matapos niyang lunukin ang alak na sinimsim niya mula sa hawak na baso. Nakapamaywang itong nakatayo sa Veranda ng kaniyang kuwarto habang nakatanaw sa madilim at malawak na baybayin ng Resorts.
Mayamaya ay napalingon ito sa direksyon ng pintuan nang marinig nitong bumukas iyon. Naroon na si Sebas at kasama si Kokoy. Pero bigla ring nangunot ang noo nito nang makita nito ang hitsura ng kaniyang alalay. Nakasuot ng Black Leather Jacket si Kokoy, Bonnet na tanging ang mga mata at bibig lamang ang makikita. Samantalang pajama naman ang suot nito pang ibaba.
"Señorito, narito na po si señorito Sebas." anang Kokoy at hinawakan pa sa braso ang binata at hinila palapit kay Judas.
"What happened to you?" kunot pa rin ang noo na tanong ni Judas
