"GOOD MORNING!"
Ang nakangiting mukha ni Marya ang unang bumungad kay Judas kinabukasan nang maalimpungatan siya. Inaantok man dala sa ano'ng oras na siyang nakatulog sa nag daang gabi; pilit na kumilos sa kaniyang puwesto ang binata. Mula sa pagkakadapa sa kama habang yakap-yakap ang unan ay tumihaya ito. Dahilan upang humantad sa paningin ni Marya ang hubad nitong katawan. Tanging itim na boxer shorts lamang ang suot nito.
Mabilis namang nag iwas ng tingin si Marya. Bigla ring kumabog ng malakas ang kaniyang dibdib nang makita ang katawan nito. Sa unang pagkakataon nasilayan niya ang maskuladong katawan ng binata.
"Morning..." inaantok na saad ni Judas.
"Bangon ka na hon! Nakahanda na ang breakfast natin." anang Marya habang nakatalikod pa rin ito sa binata. Mayamaya ay naglakad it
