MALALIM na buntong-hininga ang pinakawalan ni Judas sa ere habang nag paparoo't parito ang lakad nito sa terrace ng kaniyang kuwarto. Mula sa hotel ay tanaw na tanaw niya ang buong beach. Maging ang mga taong nag tatampisaw at nag lulunoy sa dagat. Mula rin sa kinaroroonan niya ay tanaw na tanaw niya si Marya na nasa dagat; nag lalangoy kasama ang lalakeng kasama nito kaninang kumain sa restaurant. Muli itong nag tiim-bagang at namaywang. Mayamaya ay muli nitong kinuha ang binocular na nakapatong sa maliit na lamesa na nasa sulok ng terrace. Ginamit niya iyong muli upang matingnan ng maigi ang ginagawa ng dalawa sa dagat.
Kung nakakamatay nga lang ang masamang tingin malamang na kanina pa nalunod sa dagat ang lalakeng kasama ni Marya.
"Damn it!" umigting pa ang panga nito at muling nagp
