MALALIM na buntong-hininga ang pinakawalan ni Marya sa ere pagkuwa'y nag iwas ito ng tingin sa binata. Ilang segundo itong natahimik at nakatuon lamang ang paningin sa marmol na sahig. Mayamaya ay muli itong nag angat ng mukha at tinapunan ng seryosong tingin si Judas. "Ganito ka ba talaga kapag gusto mong i-girlfriend ang isang babae? Idinadaan mo sa blackmail?" mapanuyang tanong nito.
"Actually no." mabilis at tipid na sagot nito habang mataman pa ring nakatitig sa mukha ng dalaga.
"Ganito ba ang galaw mo kapag nanliligaw ka?" muling tanong ni Marya.
Biglang natawa ng pagak si Judas dahil sa muling naging tanong niya. Tumayo ito sa kaniyang pagkakaupo at muling umikot sa kaniyang lamesa. Muli itong pumuwesto sa kaniyang swivel chair. Ibinalik nito sa envelope ang hawak-hawak niyang pa
