At ang panghuli ay maaaring totoo ang sinabi niya na hindi siya committed kahit na kanino. Baka sa babaeng tinutukoy mo pala tunay na may gusto ‘yong lalaki,” seryosong sabi ng kaibigan ko habang mariin din na nakatingin sa akin.
Sa mga oras na ito ay hindi ko alam kung bakit kumakabog ng malakas ang dibdib ko. Ayaw ko mang aminin ngunit may kung anong nabuhay na pag-asa sa aking loob. Nakaramdam ng saya ang aking puso noong marinig iyon.
Panandalian kaming natahimik na dalawa. Hindi ko alam kung ano ang iniisip niya, samantalang ako ay ayokong mag-isip ng kahit anong posibilidad na maaari lang magdulot ng pagkabigo. Nagkokontra na nga ang lahat ng parte ng katawan ko. Nangunguna na ang puso at isip ko. Alam ng puso ko na masaya ako at nagkaroon ito ng pag-asa, pero laging sumisin
