Keyla
PASADO alas-onse na ng gabi, medyo nakararamdam na ‘ko nang pagod at antok. Ngunit dahil hindi pa pwedeng pumasok sa loob upang magpahinga, ay humiwalay na muna ako kay Yhana. Isa rin kasi ako sa naatasan ng aming mayordoma na mag-assist sa mga bisita.
Tumayo ako sa gilid ng isang round shaped tree, sa dako kung saan malayang matatanaw ang lahat ng bisita na narito sa party. Medyo tago kasi rito at hindi masyado natatamaan ng ilaw.
Namulsa ako matapos kong magtali nang buhok. Medyo nakararamdam kasi ako ng init dahil kanina pa ako patagong kumukuha at lumalagok ng white wine.
Nakaka-miss din kasi ang uminom. Kailan nga ba ang huli?
Napahawak ako sa ‘king sentido nang makaramdam ng konting kirot mula rito. Pero, agad akong natigilan nang aksidente akong mapatingin sa table kung
