Keyla
PAGTATAKA ang bumalot sa akin. Wala akong ideya kung bakit, pero kapansin-pansin mula sa kanyang mga kinikilos na para bang may nais siyang sabihin. Pero hindi niya kayang banggitin.
Panandaliang nawala sa isip ko ang kanyang mga nabanggit sa akin, nang iabot nito ang isang tray na kung hindi ako nagkakamali ay pang agahan para sa ‘ming amo.
“Ito ang para kay Sir Gerald, Hija," imporma niya. 'Ayaw niyon nang mayroong natatapon kahit na katiting sa tray na ito. Kalat para sa kanya. Kaya, ingatan mo ang pagdadala nito sa kanyang kwarto,” mahinahon niyang litanya sa akin.
Umisang tango lamang ako sa kanya. Hindi pa sana ako sasagot dahil sa biglaan nitong pagbago sa ‘ming pinag-uusapan, ngunit wala na rin akong nagawa pa. Dahil baka makita pa kami ng kung sino at makarating pa ito s
