Aila
PAST
Dumaan ang mga araw, buwan, at taon ay naging masaya kaming dalawa ni Calter. Kahit na walang iba na nakakaalam ng aming relasyon maliban sa aming dalawa, ay hindi ko naramdaman na nagkulang siya upang maipakita at mapadama nito ang kanyang pag-ibig para sa 'kin.
Walang araw na hindi kami nagkakausap, nagkikita, at nagkakasama. Lagi siyang pumupunta sa unit ko, at kung magkataon na abala siya sa opisina niya'y ako naman ang sumasadya roon upang hindi matuldukan kahit isang araw ang aming komunikasyon.
Madalas na may nangyayari sa amin ni Calter. Sa opisina niya o sa opisina ko, sa unit ko at sa unit niya, sa sasakyan nito't sa sasakyan ko. Basta’t maglambing siya o maglambing ako, kahit nasa kalagitnaan pa ‘yan nang pagmamaneho ay titigil kaming dalawa para lang iparamdam s
