Keyla
ALAS-NUEBE ng umaga nang dumiretso ako rito sa kwarto ni Senorita Nervi. Mas maaga pa sana roon ang umpisa ng aking trabaho, pero dahil late na ito nakatulog kagabi, ay hinayaan ko na muna siyang makapagpahinga nang maayos.
Pa'no ba naman, hating-gabi na rin kasi niya ako pinayagan na umalis sa tabi niya. Kulang na nga lang, ay patulugin na 'ko nito sa kanyang kwarto dahil sa pag e-enjoy na makipaglaro sa akin.
Isang linggo mahigit na, buhat nang mag-umpisa akong alagaan siya. Sa una ay medyo nahirapan akong kausapin at pakisamahan ito, sapagkat na-trauma siya dahil sa pananakit ni Katkat sa kanya. Mabuti na lang, kalaunan, ay nakuha ko rin ang loob niya.
Mabuting tao at malambing si Nervi. Bukod doon, ay matalino rin ito. Marami man siyang hindi kayang gawin na nagagawa ng mga n
