NAUNANG GUMISING sa akin si Sere upang pumasok. Alas-onse pa ng tanghali ang pasok ko sa school kaya naman alas-nuebe na akong bumangon sa kama ko at nag-asikaso. Gabi ba nang nakarating ang mommy at daddy sa bahay, kaya naman siguradong natutulog pa sila hanggang ngayon. I know they're tired. Matapos maligo ay nagtungo ako sa dining area. Naisipan ko sanang magpa-deliver na lamang ng makakain, ngunit hindi ko naituloy dahil naabutan kong may mga nakatakip nang pagkain sa lamesa. Paniguradong si Sere ang nagluto nito, napangiti ako dahil doon.
Anong oras na rin ako nakatulog kagabi dahil sa ilang gawaing pinasa sa akin ng ilang professors ko upang makahabol ako sa activities na nakaligtaan ko sa nagdaang araw na lumiban ako ng klase. Aish! So exhausting.
Nahinto ako sa tangkang pag-upo
