Pinakiramdaman ko ang aking sarili. Subrang sakit nang aking ulo maging ng aking buong katawan. Gusto ko na sanang idilat ang aking mga mata ngunit ayaw naman nitong makisama. Pagod na pagod ako.
Pinakiramdaman ko ang paligid. Kahit nakapikit ang aking mga mata ay dinig na dinig ko naman ang mga mahihinang hikbi ni Nanay. Alam kong siya 'yon.
Gusto ko sanang sabihin sa kanya na ayos lang ako, at wag na siyang umiyak ay hindi ko magawa. Maging ang aking boses ay hindi ko mahanap. Hinayaan ko na lamang ang nagyayari at natulog akong muli.
Nagising akong muli at kahit papaano ay maayos na ang aking pakiramdam. Dahan-dahan kong iminulat ang aking mga mata. Nasilaw kaagad ako sa liwanag kaya pumikit akong muli. Nasa hospital ako at ang matapang na amoy nito ay nanunuot sa aking ilong.
Nan
