"Wala ka bang balak na pumasok sa opisina mo? Baka bumagsak ang negosyo mo, sige ka," sabi niya dito ng daanan sa sofa.
"Meron. Hinihintay ko lang mga gagamitin ko."
"Ah, okay. Mabuti naman. Ingat," sabi niya at naglakad papunta ng kuwarto.
"Sasama ka sa opisina."
Napatigil siya sa paghakbang nang marinig ang sinabi nito, kaya lumingon siya.
"Ayaw," matigas na sabi niya.
Tiningnan siya nito ng masama.
"Ayaw mo ba talaga? Sige, ganito. May choices akong inihanda kasi alam kong aayaw ka, eh," anitong sumandal sa sofa at tumingin ng derecho sa kanya.
"Ano-ano naman ‘yon?" nakapameywang niyang tanong.
"You choose first. Letter A, B, or C?"
Napakunot-noo siya sa choices nito. Mukhang dadayain siya nito. Dapat nakalatag ang mga pagpipiliian.
"Teka, parang may mali. Bakit puro
