Sixty Days Counterfeit

TEASER

Kai is a charming bad boy from Santander University's Engineering Department. Miya is a conservative agriculture student who despises narcissists and arrogant people.

ISANG ARAW namalayan na lamang ni Miya na hiniwalayan na siya ng boyfriend na si Dan. Ito ang first love at first boyfriend niya sa edad na Seventeen. Ang hindi matanggap ni Miya ay sa mismong bestfriend siya ipinagpalit ni Dan. Mabilis na kumalat sa buong Santander University ang balitang niloko siya ng kaniyang best friend at boyfriend.

Para pagtakpan ang kahihiyan at para makaganti sa dalawang taong nanakit sa kaniya, ipinamalita niyang boyfriend niya si Kai, ang kaniyang playboy na kababata, kinakapatid at kapitbahay.

Hindi pumayag si Kai sa kabaliwan ni Miya. Sa lahat ng babae ay si Miya ang hindi niya papatulan. Isang taon lang ang tanda niya sa kinakapatid pero tila isang libo mahigit ang agwat nila. Iyon ay dahil sa opposing character traits nila. Kilala siya sa pagiging playboy. Samantalang si Miya, sobrang conservative. Si Dan lamang ang nagkamaling manligaw rito.

Napilitan si Kai na sakyan ang trip ni Miya. Pumayag siya ngunit hanggang sixty days lamang ang pagpapanggap nila.

Nagbigay ng RULES si Miya sa pagpapanggap nilang magkarelasyon. Sa University, dapat ay aaktong loving and caring boyfriend si Kai sa kaniya. Hindi muna ito maggi-girlfriend sa loob ng 60 Days. Pero bawal ang TOUCHY sa loob ng animnapung araw.