THE MAYOR'S VIRGIN MISTRESS
Mayor Alder Kalantri Evora
Chapter 27
PAROO'T PARITO ang lakad ni Alder sa labas ng ospital habang nakalapat sa tainga nito ang cellphone. Hindi mapalagay ang alkalde hangga’t hindi sumasagot sa tawag niya si Freya.
Nasa ospital siya ngayon matapos maisugod nila si Lorenza nang mawalan ito ng malay at ngayon nga’y delikado ang kalagayan nito.
Kanina pa ibig puntahan ni Alder si Freya sa bahay nito ngunit nadadaig siya ng kanyang konsensya kung magagawa niyang iwan ang mga Alvarado. Tila siya naiipit sa mahirap na sitwasyon na iyon.
Nakahanda siyang harapin ang kapatid ni Freya upang kausapin ulit tungkol sa kanilang dalawa. Papatunayan niyang wagas ang intensiyon niya kay Freya at kung kinakailangan niyang lumuhod kay Osiris payagan lamang siyang makita
