THE MAYOR'S VIRGIN MISTRESS
Mayor Alder Kalantri Evora
Chapter 22
Hindi malaman ni Freya kung saan nga ba siya mag-uumpisa para hanapin ang kapatawaran para sa mga taong dahilan ng karumal-dumal na pagkasawi ng mga magulang niya.
Sobrang sakit isipin na sa maraming taon ay naging maayos ang relasyon nilang magkapatid sa pamilya ni Annalise. Si Osiris pa ang sumusuporta sa medikasyon ng ama ni Annalise na isang taon nang nakikidigma sa sakit na kanser. Si Osiris ang nagbigay ng pangkabuhayan sa pamilya ni Annalise sa Virac. Galing sa bulsa ng kapatid niya ang perang pinambili ng mga lupang sakahan.
Ni minsan ay hindi naging issue ang pera pagdating sa pamilya ni Annalise. May iilang mga tao na rin ang nanghusga dahil lumalabas na golddigger si Annalise subalit ipinagsasawalang-kibo ni
