Parang nawala sa sarili si Arielle at hinampas niya ang metal folder niya sa noo ni Alex.
"Aray!" reklamo ni Alex at agad na napahawak sa noo niya. Agad na nanlaki ang mata ni Arielle at nang makita na mamula iyon ay dali-dali niyang hinawakan ang noo nito.
"Syet! sorry.. hindi ko napigilan ang sarili ko." aniya at natataranta pa at nagtungo sa mini fridge sa clinic at kinuha ang bottled water niya doon upang ilagay sa noo ni Alex. Para hindi ito magkabukol.
"Grabe naman... bakit nananakit?"
"Sorry na nga eh!" tila iritable pa na sabi ni Arielle habang hawak ang bottled water sa noo ni Alex. "Ikaw naman kasi, kasalanan mo rin naman yan at nanggugulat ka." aniya at tinignan pa ang noo ni Alex, nakita niya nangingitim na kaya napailing siya, "Masakit?"
"Hindi naman, kulang pa sa hamp
