Isang malakas na sampal ang sumalubong kay Anastasia mula sa ina ni George nang makarating siya sa mansion. Dahilan para mapapaling ang pisngi niya at agad siyang mapasapo sa kaniyang pisngi dulot ng sakit. Hindi naman ito ang unang beses na nasampal siya nito. Sa totoo lang ay hindi na siya nagtaka pa na ganito ang gagawin ng kaniyang biyenan sa kaniya.
"Mama!" sabay-sabay na sigaw naman ng mga naroon na siyang ibang manugang ni Felicidad at hipag ni Anastasia. Agad nilang inawat ang matanda at pinalayo sa sa kaniya. Tanging pagyuko na lamang ang nagawa ni Anastasia dahil hindi niya rin kayang harapin ang kaniyang biyenan ng ganito.
"Matagal nang hiwalay ang anak mo kay Charity pero hindi mo ako inabisuhan? ngayon malalaman ko na ikaw pa ang pasimuno sa pakikipag-blind date ng apo kun
