Plano
Masakit man sa mata ni Ela na makita si Gio na nagmamaka-awa, labag man sa kalooban niya, pinili pa rin niyang huwag itong piliin. Para ito sa ika-bubuti niya. Wala siyang obligasyon dito para tanggapin at magkaroon ng relasyon. Malaya siyang tumanggi kahit kanino man, hindi lang naman kay Gio. Si Paolo nga ay ilang beses din niyang binusted, paulit ulit, hindi na niya mabilang nang ilang beses. Si Gio pa kaya na ilang araw pa lang niyang nakikilala.
Pero sa lahat ng kanyang tinanggihan, si Gio lang ang bumagabag sa kanyang puso at isipan. Maghapon itong gumulo sa isip niya. May oras pa nga na natutulala siya dahil naaalala niya ang itsura ni Gio noong huli niya itong nakita at naki-usap na tanggapin niya kundi ay sisirain ang buhay nito.
“Uy, Ate!“
Halos mapatalon sa kaba si E
