Pagbibintang
"Sama ka na. Invited din ako. Kapag hindi ka sumama, hindi rin ako aattend. Sasamahan na lang kita dito bukas," sabi ni Gio kay Ela.
Tumango na lang si Ela bilang pagsang-ayon. Pumapayag na siya. Sasama na siya sa birthday party bukas.
Pero kanino siya sasama? Si Paolo ang nagyayaya sa kanya pero si Gio ang pumilit sa kanya.
“Sunduin kita bukas. Sabay tayong pumunta do'n. Tayo nila Love at Jea,” sabi ni Paolo.
Napa-iling na lang si Ela. Tinanggihan niya ang alok ni Paolo. Bukod kasi sa naiilang siya talaga sa kababata na masugid niya nang manliligaw ngayon, si Gio talaga ang gusto niyang kasama.
Obviously, si Gio ang pinili niyang makasama bukas.
Sanay na si Paolo na ma-busted ni Ela pero hindi niya matanggap ang rejection niya ngayon na kaharap pa talaga si Gio.
