Chapter Seventeen
ARC
MASAMA ang tingin sa akin ng dragon. Masyadong matalim at nanggigigil.
"Kausapin ko lang siya," saad ko kay Joan.
"Ayos lang, sige na, baka magwala," natatawaang saad niya.
Iniwan ko si Joan sa kusina na masarap ang kain sa hotdog ko, este sa niluto ko. Naasar yata nang husto si Snow Bright ngunit wala namang magawa.
Sinundan ko si Snow Bright sa sala saka pinanood ko itong sinalampak ang pwet sa upuan kong gawa sa kahoy.
"Ang sama mo Arc. Sayang effort ko," mangiyak-ngiyak niyang saad.
"Hindi ko naman alam na pupunta ka rito," wika ko.
Binuksan niya ang dalang Tupperware at natawa ako sa laman nito.
Pancit Canton ang laman pre! Ganyan ba ang ulam? Ulam ba yan? Hahahahanep 'tong babaeng ito.
Nilabas niya rin ang plastik na tinidor nito saka dere-deretsong k
