Chapter 30
Napalingon si Leigh matapos na lumagapak sa sahig ang tsinelas ng nanay niya, habang siya ay nakatingin sa mga damit sa closet.
"Meri Lee, anong oras na?" Ang lakas ng boses ni Adela sa kanya. Kahit na pangalan niya ay ang tigas tigas na naman ng pagkakabigkas nito.
Nagiging kamag-anak niya si Bruce Lee kapag natataranta ang nanay niya.
"Mama, paralyzed na naman ang dila mo," saway niya rito, kipkip ang kanyang twalya sa katawan.
"Paano kasi, anong oras na nakatunganga ka pa rin sa aparador. Wala ka na bang balak na magdamit?"
Napakamot siya sa ulo, "nahihirapan akong pumili."
"Diyos ko," usal nito saka lumapit sa aparador. Tumingin ito roon at ito man ay natigilan.
"Ang hirap ngang pumili anak, ang gaganda."
"Sabi ko sa'yo e, saka Mama puro labas ang dibdib at likod ng
