Chapter 11
▪︎Leigh▪︎
Kung stretchable lang ang leeg niya ay baka nakarating na sa mismong loob ng opisina ni HJ Elizares ang ulo niya. Paano ba naman kasi ay siya ang kinakabahan habang nasa loob si Jillian.
Tumitili iyon kanina habang walang boses nang sabihin niya na pinababalik siya kinabukasan para sa kontrata, pero ngayon ay abot-abot ang kaba niya. Nananalangin siya na sana ay matanggap din si Jillian. Iiyak talaga siya kapag hindi iyon nakapasok.
Maya-maya ay bumukas ang pintuan, at daig pa niya ang pinagsakluban ng langit at lupa nang makita ang bagsak nitong anyo.
Mauuna pa siyang umiyak kaya yumuko siya. Malungkot si Jillian. Hindi nakapasa ang kaibigan niya. She looked at her friend again. Jillian has the heaviest feet at that moment. Parang halos hindi na iyon makahakbang.
