Kendric Aziel Suazer
Kasama si Scarlet, sinundo ko si Mommy and Mommita sa airport. Gaya ng oras ng kanilang sinabi ay mas maaga kaming naroon upang hintayin sila. Natanawan ko ang dalawa habang nag-uusap palabas. Nang makita si Scarlet ay naiwan pa ang dalang bagahe upang salubungin ang aking kapatid.
“Mommita.” Bati ko.
Pero isang sampal ang tinugon sa akin.
“Mommita!” Usal ni Mommy and Scarlet.
“Kumalma ka muna, Mama.” Sabi ni Mommy kay Mommita.
“Halos mamatay kami sa takot dahil hindi ka mahagilap ng kapatid mo. Alam mong hindi sana’y si Scarlet na nag-iisa pero anong ginawa mo? Ilang araw kang nawala ng walang pasabi sa kapatid mo?”
“Mommita…” Saad ko pero maagap na siyang kinausap ni Scarlet.
“Mommita, huwag ka ng magalit kay, Kuya. Masyado lang ako nag-aalala kaya pati kayo
